Aron er aðstoðamaður dýralæknis og móttökustarfsmaður sem hóf störf hjá okkur sumarið 2024. Aron hefur mikla reynslu í umönnun dýra en hann hefur starfað í nokkur ár sem dýrahirðir í Húsdýragarðinum. Aron er metnaðarfullur, glaðlyndur og býr yfir allskyns mikilvægum fróðleik fyrir gæludýraeigendur.
Aron á átta gæludýr. Einn hund, 4 naggrísi og 3 kanínur.
mottaka@gdk.is
Bergdís er aðstoðarmaður dýralæknis sem hóf störf hjá okkur sumarið 2022. Bergdís er mikil hesta- og hunda áhugamanneskja og stefnir á nám í dýrahjúkrunarfræðum í náinni framtíð. Hún hefur mikla reynslu af dýrum en hennar daglegu verkefni snúa að meðhöndlun á innlagnarsjúklingum og sjúklingum í vöknun, ásamt símsvörun, frágang og þrifum. Bergdís er glaðlynd og hrífur alla bæði menn og dýr með dillandi hlátri og hlýju. Bergdís á hundinn Tind (sem er okkar aðalsamfélagsmiðlastjarna) og nokkra hesta.
bergdis@gdk.is
Elín Rúna Backman lærði dýralækningar við Den Kongelige Veterinær og Landbohøjskole i Danmörku og úskrifaðist vorið 2007. Elín Rúna starfaði sem gæludýralæknir á höfuðborgarsvæðinu þar til hún fluttist til Húsavíkur árið 2011, þar sem hún rak eigin dýralæknaþjónustu. Hún hefur sérstakan áhuga á almennri heilsugæslu gæludýra og meltingarvandamálum auk velferð smádýra og hefur sótt fjölmörg námskeið sem snúa að naggrísum og öðrum nagdýrum.. Elín Rúna hefur reynslu af umhverfisvernd og sjálfbærni í rekstri og mun sjá um innleiðslu grænnar stefnu fyrirtækisins.
elinruna@gdk.is
Erna Þorsteinsdóttir er dýrahjúkrunarfræðingur sérmenntuð á sviði svæfinga smádýra. Erna hefur 12 ára reynslu í starfi sem dýrahjúkrunarfræðingur og hefur mikla reynslu á sviði tannlækninga smádýra. Erna er mikill dýravinur og er mjög virk í útivist en hún hefur bæði æft og keppt í canicross og fleira hundasporti.
Erna á 2 Husky hunda og 1 kött.
erna@gdk.is
Gréta er brosmild, skipulögð og öflugur starfsmaður sem mætir fólki með hlýju og gleði. Hjá Grétu er hægt að bóka og breyta tímum, fá ráðleggingar um fóður og aðrar sérvörur sem við seljum. Gréta tók við starfi framkvæmdastjóra fyrirtæksins í júní 2024. Hún hefur líka tekið samfélagsmiðla síður okkar föstum tökum og leggur mikinn metnað í að gefa reglulega út fræðsluefni tengt heilsu gæludýra. Gréta á 1 hund.
greta@gdk.is
Hrund Ýr Óladóttir lærði dýralækningar við Norges Veterinærhøgskole, útskrifaðist þaðan árið 2003 og vann á nokkrum dýralæknastofum hérlendis þar til hún hóf störf á Dýraspítalanum í Víðidal vorið 2005. Þar starfaði hún í 15 ár og bar ábyrgð á tannlækningadeild spítalans og endurmenntun samstarfsfólks á deildinni síðustu 5 árin. Hrund Ýr er hefur sótt mörg námskeið á sviði tannlækninga smádýra í Luxemborg og Halmstad í Svíþjóð. Hrund hefur yfirumsjón með tannadeild Gæludýraklíníkarinnar og framkvæmir m.a. tann- og kjálkaaðgerðir.
hrundyr@gdk.is
Kristín Inga kom fyrst til sumarafleysinga 2023 og hefur síðan þá verið mikilvæg viðbót við dýralæknateymi okkar. Kristín Inga útskrifaðist sem dýralæknir haustið 2021 frá University of Copenhagen og starfar jafnframt sjálfstætt hjá Dýralæknasetrinu.
Kristín Inga á 6 hross og einn hund.
kristininga@gdk.is
Sam léttir undir á álagstímum. Sam veitir aðstoð í rannsóknar- og aðgerðarýmum, sér um umönnun innlagðra dýra ásamt símsvörun, frágang og þrifum. Sam er mikil kattakona og vinnur í sjálfboðaliðastörfum fyrir Villiketti og hefur mikla reynslu af meðhöndlun kettlinga. Sam á bæði hund og ketti og er þekkt fyrir glaðlyndi og vandvirkni.
Stella er aðstoðarmaður dýralæknis með mikla reynslu á sviði skurðlækninga og svæfinga gæludýra. Stella hóf störf hjá okkur við opnun og kom með ómetanlega og dýrmæta reynslu sem og þekkingu með sér. Stella er bæði nærgætin, með þægilega nærveru og frábær leiðbeinandi fyrir reynsluminna starfsfólk. Stella hefur yfir 18 ára reynslu sem aðstoðarmaður dýralæknis og er menntaður búfræðingur. Hún starfað á nokkrum dýralæknastofum í Reykjavík, hefur sótt ótal námskeið í meðferð dýra. Meðal annars má nefna námskeið í hestanuddi auk þess að hafa fígúranta réttindi fyrir skapgerðarpróf HRFÍ og mikla reynslu af þjálfun og meðferð bæði hunda og hrossa. Stella er stundum kölluð dýrahvíslari því hún hefur einstakt lag á öllum dýrum, er næm á líðan þeirra og hefur mikla þekkingu á atferli enda búin að starfa með dýrum í tugi ára.
Stella á hundinn Kaffon og 2 kisur.
stella@gdk.is
10 fróðleg atriði um kanínurmaí 30, 2021
10 merki um að gæludýrið þitt þurfi að fara til tannlæknismars 20, 2021
5 ráð fyrir heilsuhraustari eldri hundajanúar 20, 2022
Bólusetningar hunda, katta og kanínamaí 30, 2021
Kettir og vorið – eitranir, flær og hreiðurgerðapríl 23, 2022
Ormahreinsun hundamaí 30, 2021
